水族田園

早前貼過,因死圖而家重新整理資料貼多次...

魚缸: 12吋方角缸
過濾: 500L/H 掛濾(白棉一塊,其餘生物環)
燈照: T5 8W X2 魚缸燈(白管,兩枝齊開每天6-8小時)

缸中無泥,無沙,無CO2,能夠提供比水草的只有水與光


以養魚為主,水草只是襯托..
而且省錢(缸/燈/掛濾/背景紙加埋300元),
其次亦較易打理,較易控制水質,
最好玩的係可以隨意改變草種/水草擺位..

所有水草都用白棉包住,放入小花盆,盆底/面放石仔作裝飾及沉底


因為無泥/沙/CO2,水草要選一d生命力非常堅強的...
以下係幾種我覺得不錯的水草:

羅漢西
便宜,粗生兼好睇既水草,養一排會拉長生長,因唔夠肥


綠松尾
比想像中還要粗生,頗適合這環境


綠菊
生命力較羅漢西差少少,會拉長/合埋,但亦不易死


小水蘭(右)/龍利蘭(左)/紐蘭
三種水草都好強悍


以上各種水草都種過一排,另外還有蜈公草都OK,但好似要轉水
我種呢d水草既時後係係冬天左右,水溫低好多,
而家咁既天氣,照足以上面咁做,都未必種得成...
所以有待冬天再戰

至於魚類,缸中養左劍尾魚屬的魚(劍尾魚/滿魚/鴛鴦)
最好不要混養燈科魚,因呢兩類魚習性不同,除非清一色養燈科魚
12吋魚缸,裏面最多可以養20-30條魚
但要每日洗海棉(掛濾較易清理)
每一星期換2-3次水,每次換1/4-1/3
我亦會每個星期刷一次魚缸玻璃除青苔



使用掛濾器,為了不讓水流直沖下來,
利用一節AA頂濾用的硬管,中間剪開,插入掛濾的出水口,
讓水流流向兩邊,減少水流過急,避免直沖前方水草


掛濾濾材既擺法:
左邊白棉一塊,右邊全是生物環
可用6元4大包既加厚白棉,或者十幾元一塊既硬身厚白棉
12吋缸用500L/H掛濾都係因為可以擺更多濾材


再次強調,所有水草都係冬天時種的,而家咁熱未必種得成...

嘩.....令人有購買的衝動!

Thank you~!!! 多謝您!! chensiu兄, 絕對適合一些無Co2又想享受種草樂趣的新手, 好正!!

加油啊...
綿花都可以長期種倒草?

種草有好多方法^^chensiu兄就提拱了其中之一,好分享

水清草綠魚夠紅, 正呀!!!

提議 :
去花虛買一些石型花盆種水草, 感覺應該會更好.

只能選一d強悍既水草,
d水草係白棉內都會生好多根,
如果有泥有CO2會生得更好..
我諗應該可以改做盆內放水草泥


嗯..我都有咁諗..
但行左多次花墟都揾唔到鍾意既陶瓷小花盆..
所以簡簡單單買膠花盆就算...$0.5一個喳..
其實仲打算買d底盆,咁會更似一盆盆栽,但size不合..

水很清,草和鱼的状态很好,不错!!

花墟賓x有款樹膠製成的花盆, 你可以去睇睇.

我早前買了一個種仙人掌.

你呢盆野好正喎,我都想整返個

讚!別有一番風味!

魚仔好似太多,照顧方面就要好落力


來多張生得茂盛既水草

對你的掛濾器AA頂濾用的硬管很有興趣

可以詳細說說是點做的嘛

這是一幅畫嗎?
一個掛濾怎可以令到水這麼清?
草那麼靚?
師兄不只種草養魚那麼棒,
連影相都一流,
正

前面有講:
利用一節AA頂濾用的硬管,中間剪開,插入掛濾的出水口
因為只係夾住個出水口,
如果夾得唔穩的話,可以係管中間穿個洞,
用繩綁住,另一端的繩頭掛一粒石仔,繞過魚缸,掛在缸背,
咁樣就有拉力將AA管固定.
總之就係運用想像力用咩方法都得將AA管固定便可.